Serĉi Vladimir Lenin en apartamentoj en Moskvo

2012, Dokumenta video de projekto (26’14") kaj 150 aĵoj pri Lenin

Mi elserĉas ĉiujn figurojn, kiuj prezentas Valdimir Lenin, la unuan gvidanton de Soveta Unio, kaj kiuj ankoraŭ restas en hejmoj en Moskvo eĉ post la falo de Sovetunio en 1991. Mi vizitas ordinarajn hejmojn en la urbo, serĉante ĉiaspecajn aĵojn pri Lenin inkluzive de portretoj, fotoj, propagandaj afiŝoj, ĵurnalartikoloj, flagoj kaj insignoj. Ĉiuj trovaĵoj estas transportitaj al la ekspoziciejo por elmontrado dum la ekspozicio. Mi uzas la metodon traserĉi loĝejojn kvazaŭ la Ŝtata Sekureca Komitato KGB dum la tempo de Sovetio. Mi montras bagatelajn dialogojn kaj negocojn kun urbanoj. Kaj tiel mi pridesegnas iliajn memorojn pri Sovetio, kiuj estis disrompitaj en la reala socio de Rusio.

Kunlaboro: Muzeo de Moderna Arto de Moskvo, Japana Fonduso

Ĉi tiu verko estas disponebla laŭ la permesilo Krea Komunaĵo Atribuite-Nekomerce-Nemodifite 3.0 Neadaptita.